Celebrities

ချစ်သူရှိကြောင်းဖွင့်ပြောလာတဲ့ ဥက္ကာမင်းမောင်

တွဲတာ သိပ်မကြာသေးပါဘူး။

သရုပ်ဆောင် ဥက္ကာမင်းမောင်ကတော့ အခုလက်ရှိအနုပညာလှုပ်ရှားမှုတွေ နဲ့ပတ်သက်ပြီး ရုပ်ရှင်ဇာတ်ကားကြီးတွေရိုက်ကူးနေရပါတယ်။ အနုပညာအလုပ်တွေ လုပ်ဖြစ်နေတဲ့ သူ့အနေနဲ့ ချစ်သူကိုလွမ်းလို့ နယူးယောက်ကို ပြန်ဦးမယ်လို့ပြောပြခဲ့ပါတယ်။

” ရည်းစားက မြန်မာပြည်ကမဟုတ်ဘူး နယူးယောက်ကပဲ။ကြိုက်တာလည်း မကြာသေးတော့ အမှတ်တရ ထွေထွေထူးထူးမရှိသေးဘူး၊ ဒါပေမယ့် ချစ်ပါတယ် မပြောတတ်သေးဘူး ဘာတွေဖြစ်လာဦးမလဲဆိုတာတော့။ ဟိုတလောကလည်း ရည်းစားတစ်ယောက်ရှိတာပဲ ပြတ်သွားပြီ။ ပြတ်သွားတော့လည်း အသည်းတွေကွဲ၊ အချိန်တန်တော့လည်း နောက်တစ်ယောက်ပေါ်လာတာပေါ့။ လောလောဆယ်တော့ ကိုယ်က Long Distance Relationship ကို ထိန်းသိမ်းရတာ တော်တော်မလွယ်တဲ့ ကိစ္စပါ။ ကျွန်တော်ကလည်း အရမ်းသဝန်တိုတတ်တဲ့ လူစားမျိုးဆိုတော့ ပြဿနာခဏခဏတတ်တယ်။ ဒီတစ်ယောက်ကိုတော့ ကျွန်တော် တော်တော်လေး စိတ်လျော့ထားတယ်၊ ကိုယ်လည်း ကိုယ့်အလုပ်ကိုယ်လုပ်ရတယ် ဒါကိုလည်း သူက နားလည်ပေးပါတယ်” လို့ ဆိုပါတယ်။

ချစ်သူက သူ့အပေါ်နားလည်ပေးတတ်မှုတွေကိုလည်း အခုလိုပြောပြခဲ့ပါတယ်။

” ကျွန်တော် တစ်ခါတစ်လေ အရမ်းအလုပ်ရှုပ်တဲ့အချိန်မျိုးမှာ အချိန်မပေးနိုင်တာမျိုးတွေရှိတယ်၊ ကျွန်တော်က နဂိုကတည်းက အရမ်းမေ့တတ် တဲ့လူစားမျိုးဆိုတော့ စာလေးတစ်ကြောင်းလောက် ရေးဖို့ကိုတောင် မရေးဖြစ်လိုက်တာမျိုးရှိတယ်။ ဒီတစ်ယောက်ကတော့ နားလည်ပေးပါ တယ်။ လူတိုင်းကတော့ စတွဲပြီဆိုကတည်းက ရေရှည်မှန်းတာပဲလေ ပြတ်ကာမှသာ ပြတ်ရောပေါ့။ အချစ်ဆိုတာကတော့ ကျွန်တော့် အသက် အရွယ်မှာ မြင်မြင်ချင်း ချစ်တာတွေ၊ အသံကြားရုံနဲ့ ချစ်တာတွေ မရှိဘူး၊ စိတ်ထဲကနေ စွဲစွဲမြဲမြဲချစ်ဖို့လည်း ကျွန်တော့်အတွက် အချိန်ကာလ တစ်ခုလိုတယ်” လို့ သူကဆိုပါတယ်။

ဥက္ကာမင်းမောင်ကတော့ ချစ်သူရှိတဲ့အကြောင်းကို ဖွင့်ဟဝန်ခံလိုက်ပေမယ့် ပရိသတ်တွေရဲ့ အချစ်ကိုလည်း ဒီ့ထက်မက ပိုလိုချင်တယ်လို့ ဆိုပါတယ်။ ပရိသတ်အချစ်ကိုရဖို့ အတွက် အနုပညာအလုပ်တွေကို အရင်ကထက် ပိုကြိုးစားသွားမယ်လို့ သူကဆိုပါတယ်။

Photo: ဥက္ကာမင်းမောင်ဖေ့စ်ဘုတ်

Leave a Reply

Your email address will not be published. Required fields are marked *